Ilir Xhakja, i dënuari përjetë për vrasjen e kryekomisarit të policisë, Adem Tahiraj është dënuar sërish me 1 vit burg. GSH.al raporton se gjykata e Krujës e ka dënuar Xhakjan me një vit heqje lirie pasi atij ju gjet celular brenda në qeli.
Ndërkohë, i akuzuari për vrasjen e kryekomisar Adem Tahirajt do e kalojë pjesën e mbetur të jetës në burg. Ilir Xhakja është dënuar me burgim të përjetshëm nga Gjykata e Krimeve të Rënda.
Krimi i rëndë ndodhi më 13 shtator të vitit 2012 pas një konflikti mes të dënuarit dhe ish- shefit të komisariatit në Shijak.
Vendimi është marrë në seancën e sotme në ngarkim të tij, pasi u dëgjuan edhe pretendimet e palës së mbrojtjes.
Sipas avokatit mbrojtës, Xhakja kishte vepruar në gjaknxehtësi, në kushtet e tronditjes së fortë psikike.
Në pretencë, akuza kërkoi deklarimin e fajshëm të të pandehurit për “vrasje në rrethana cilësuese” dhe dënimin e tij me burgim të përjetshëm.
Aksioni që çoi në ekzekutimin e komisarit
Rreth orës 17.00 të datës 13.09.2012, me urdhër të Shefit të Komisariatit të Policisë, të ndjerit Adem Tahiraj, forcat e policisë të Komisariatit të Shijakut u urdhëruan të kryejnë patrullime në qytetin Shijak dhe rrethinat e tij, deri tek lapidari në Katundin e Ri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
