Papa emeritus, Benedikti XVI, është prekur nga një sëmundje që ia ka bërë të detyrueshëm përdorimin e karriges me rrota.
Lajmin për paralizën e tij e ka bërë të ditur i vëllai, Georg, në një intervistë për “Neue Post”, që më pas është publikuar edhe në “Vatican Neës”. Georg thotë se i frikësohet faktit se sëmundja paralizuese mund t’i prekë edhe zemrën të vëllait.
“Lutem përditë që vdekja të na vijë në një moment të mirë”, thotë vëllai 94-vjeçar i Benediktit XVI.
Ai thotë se me të vëllain dëgjohen shpesh në telefon. “Nëse do Zoti, do të takohemi më 8 prill në Romë, për të festuar 91-vjetorin e vëllait Jozef. Por deri atëherë janë dy muaj dhe kushedi çfarë mund të ketë ndodhur”, thotë ai në intervistë.
Vetëm pak ditë më parë, Benedikti i XVI botoi në “Corriere della Sera” një letër me titull “Jam në pelegrinazh drejt Shtëpisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
