Rusia ka pezulluar çdo bashkëpunim me NATO-n. Zv.ministri rus i Jashtëm, Alexander Gushko, është shprehur në një intervistë për median shtetërore, RIA Novosti, se raporti aktual Rusi-NATO pasqyron status quo-në e Luftës së Ftohtë.
NATO pezulloi bashkëpunimin ushtarak dhe civil me Rusinë në pranverën e vitit 2014, një vendim që erdhi në pasi Rusia aneksoi Krinemë. Disa mosmarrëveshje, përfshirë një debat për ngushticën Kerç dhe tërheqjen e SHBA-ve nga një traktat bërthamor i epokës së Luftës së Ftohtë, kanë pasur ndikim në raportin Rusi-NATO.
"NATO vetë e ka braktisur axhendën pozitive në marrëdhëniet e saj me Rusinë. Nuk ekziston", është shprehur Grushko.
Grushko, përfaqësuesi i përhershëm i Moskës në NATO në vitet 2012-2018, tha se situata aktuale i ngjan status quo-së së vitit 1947, që çoi në themelimin e NATO-s.
Diplomati rus paralajmëroi NATO-n në lidhje me një konflikt ushtarak të mundshëm me Rusinë, duke shtuar se "njerëzit shpresojnë që kjo nuk do të ndodhë".
"Do të ishte një katastrofë humanitare. Unë jam i sigurt se ata në Uashington dhe Bruksel e kuptojnë këtë", thotë ai.
Intervista e Grushko-s vjen një ditë pasi oficerë aktualë dhe ish-ushtarakë të SHBA-ve shprehën shqetësimin se mungesa e komunikimit midis Moskës dhe Uashingtonit mund të çojë në luftë bërthamore "gabimisht ose për shkak të keqllogaritjes".
"Rrezikojmë të kthehemi në një Luftë të Ftohtë që nuk është avantazh i askujt", citon Associated Press James Stavridis, një admiral në pension i Marinës, i cili ka qenë komandant i lartë i NATO-s në Evropë në vitet 2009-2013. "Pa një angazhim të qëndrueshëm në nivel politik mes institucioneve të mbrojtjes, rreziku i një lufte të re të ftohtë është në rritje”, ka thënë Stavridis.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
