Në Venezuelë, kapiteni i Gardës Kombëtare Bolivariane, Darvin Jose Tarazona Prada, 27 vjeç, një ushtar i lidhur me ministrin e Brendshëm Diosdado Cabello, u qëllua për vdekje me armë zjarri.
Lajmin e raportojnë mediat lokale, duke shtuar se ngjarja e rëndë ndodhi të martën më 31 dhjetor. Prada u ekzekutua me të shtëna teksa ndodhej në makinën e tij.
Trupi u gjet nga agjentë të policisë kombëtare në pikën e karburantit La Castellana, në Karakas, në një makinë model Chery Orinoco.
Oficerët u afruan, duke vënë re makinën e ndaluar me derën e shoferit të hapur, ku dhe gjetën trupin e pajetë. Aktualisht vijojnë hetimet për zbardhjen e shkakut të vrasjes.
Prada ishte pjesë e ekipit të sigurisë së vëllait të ministrit, Jose David Cabello, mbikëqyrës aktual i shërbimit kombëtar të doganave dhe administratës tatimore.
Raportimet vënë në dukje zërat në rritje të rebelimit të mundshëm ushtarak kundër regjimit të Maduros, veçanërisht i theksuar nga vrasja e Prada.
Klima politike është e tensionuar ndërsa Venezuela përgatitet për tranzicionin presidencial të planifikuar për 10 janar 2025.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
