20 shishet e vodkës dërguar politikanit italian Silvio Berlusconi si dhuratë për ditëlindje nga Presidenti rus Vladimir Putin shkelin sanksionet europiane të vendosura pas pushtimit të Ukrainës, tha të enjten Komisioni Europian.
Ish-kryeministri Berlusconi, partia e të cilit Forza Italia pritet të jetë pjesë e qeverisë së re të Italisë, shkaktoi polemika këtë javë kur tha se ishte në kontakt me Putinin dhe së fundmi kishte shkëmbyer “letra të ëmbla” me të.
Paketa e pestë e sanksioneve, e dakordësuar në prill 2022, zgjati ndalimin e importit të mallrave alkoolike nga Rusia, përfshirë vodkën.
Nuk ka asnjë përjashtim për dhuratat dhe as për sasi të veçanta.
Kështu tha një zëdhënëse e Komisionit Europian në përgjigje të një pyetjeje në lidhje me njëzet shishet e vodkës që politikani italian, Silvio Berlusconi pretendon se i ka marrë si dhuratë nga Vladimir Putin.
Edhe një herë ju kujtojmë se shtetet anëtare janë përgjegjëse për zbatimin e sanksioneve të Bashkimit Europian.
Komisioni Europian nuk vlerëson rastet individuale të aplikimit të sanksioneve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
