Gjyqi i yllit botëror Shakira për mashtrim tatimor prej afro 14.5 milionë euro, nis këtë të hënë në Barcelonë, ku prokuroria kërkon dënimin me më shumë se tetë vjet burg për të.
Artistja 46-vjeçare kolumbiane është thirrur në orën 10:00 nga një gjykatë në metropolin katalanas, ku ajo banoi për vite me ish-futbollistin Gerard Pique para ndarjes së tyre vitin e kaluar.
Megjithatë, një marrëveshje e minutës së fundit me prokurorët, në të cilën Shakira mund të pranojë fajin dhe të paguajë një gjobë të madhe në këmbim të pezullimit të gjyqit mbetet e mundur.
Prokuroria e akuzon Shakirën se nuk ka paguar taksat në Spanjë në vitet 2012, 2013 dhe 2014, kur ajo ka jetuar në ato vite më shumë se 183 ditë në vit në vend, pragu përtej të cilit një person duhet të konsiderohet si një banor që paguan tatime atje.
Ndaj saj Prokuroria ka kërkuar dënim me burg prej tetë vjet e dy muaj dhe gjobë prej 23.8 milionë euro.
Këngëtarja i mohon kategorikisht këto akuza dhe avokatët e saj sigurojnë se, edhe nëse filloi një lidhje me Piqué në 2011, ajo vazhdoi të lëvizte nëpër botë për shkak të karrierës së saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
