Nënkryetari i Partisë Demokratike, Kreshnik Çollaku për mbledhjen e sotme të Këshillit Kombëtar ku do të zgjidhen strukturat e reja të partisë, tha se ka shpresë te besimi i demokratëve.
Ti nënshtrohesh një vote pro ose kundër në mënyrë të fshehtë, edhe po të ishim me rival po ose jo ka mundësi ta pranojë ose jo.
Shpresoj tek besimi i demokratëve. Është një moment i mirë, pavarësisht sfidave me të cilat përballemi.
Në një intervistë për MCN TV, lidhur me vendimin për të mos kandiduar në Kukës, Çollaku deklaroi se ishte vendimi i marrë nga dega e Kukësit dhe po kjo degë do të vendosë nëse do të mbështetet kandidati i Partisë së Lirisë.
Në çdo rast, në çdo mundësi, kjo është hera e fundit që ndodh. Kemi bërë një precedent të tillë dhe në 14 maj, kur u la vendimmarrja te Kryesitë e degëve, por edhe kjo përpjekje e jona nuk funksionojë.
Kjo është hera e fundit që PD bën këtë sakrificë njerëzore apo dhe politike.
Në vijim Çollaku shtoi se të gjithë deputetët opozitarë i kanë kolegë dhe ku ka qëndrime opozitariste kundër qeverisë, duhet konsoliduar beteja opozitare.
Sipas tij, është momenti që fokusi duhet të jetë te qeverisja e korruptuar deri në dhëmbë e Edi Ramës dhe se është irracionale të harxhohen energji në sherrnajën brenda Partisë Demokratike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
