Një sherr i ndodhur mëngjesin e sotëm në Bashkinë e Dibrës ka çuar në komisariat edhe vetë kryebashkiakun Muharrem Rama. Punonjësit e administratës në bashki janë konfliktuar pas prezantimit të drejtorit të ri të burimeve njerëzore.
Mësohet se gjatë mbledhjes së administratës është bërë prezantimi i drejtorit të burimeve njerëzore në bashki, Dritan Mata. Por disa punonjës nuk e kanë pritur mirë këtë fakt.
Ata janë shprehur se drejtori i ri i ardhur nga jugu ka dashur të bëjë shkurtime në administratë dhe në drejtoritë e Dibrës. Kjo ka ndezur një përplasje fizike që ka kërkuar ndërhyrjen e policisë. Në komisariat janë shoqëruar punonjësit e bashkisë, mes të cilëve edhe vetë kryebashkiaku Muharrem Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
