Gjykata e Vlorës zbardh vendimin për kryebashkiakun e zgjedhur të Himarës Fredi Beleri dhe Pandeli Kokoveshin, të arrestuar dy ditë para zgjedhjeve të 14 Majit.
Vendimi ka mbërritur në Prokurorinë e Posaçme SPAK dhe pritet që brenda pesë ditësh të ribëhet masa e sigurisë.
Sipas vendimit të Gjykatës së Vlorës, MCN mëson se thuet se Fredi Beleri është person me precedentë penal në vepra kundër shtetit.
Po ashtu thuhet se vepra penale e “Korrupsionit zgjedhor” është kompetencë e SPAK dhe Byrosë Kombëtare të Hetimit.
Fredi Beleri dhe biznesmeni Pandeli Kokoveshi, akuzohen për shit-blerje votash.
Arrestimi i Belerit krye si autor i dyshuar për kryerjen e veprës penale të “Korrupsioni aktiv në zgjedhje kryer në bashkëpunim”, parashikuar nga neni 328 e 25 te K. Penal, që ka ndodhur në rrethanat si më poshtë:
Ky shtetas është kapur në flagrancë në Himarë më datë 12.05.2023 ora 00:14 minuta në bashkëpunim me persona të tjerë, duke premtuar dhe dhënë shuma monetare personave të ndryshëm me qëllim blerjen e votës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
