Inspektoriati Shtetëror Teknik dhe Industrial ka gjobitur 62 pika të karburanteve dhe hotele të cilat nuk plotësonin kushtet për tregtimin dhe përdorimin e karburanteve dhe lëndëve djegëse.
Në totat vlera e gjobave kap shifrën e 16.9 milionë lekëve.
Jo vetëm temperaturat e larta por edhe shpërthimi I një depozite gazi në Velipojë u bënë shkak I shtimit të kontrolleve të Inspektoriatit Shtetëror Teknik dhe Industrial.
Vetëm gjatë muajit gusht u gjobitën 62 subjekte të tregtimit me shumicë dhe pakicë të karburanteve dhe të lëndëve djegëse, pajisjeve nën presion dhe instalimeve elektrike u gjobiten. Mungesa e kushteve teknike, mosregjistrimi i pajisjeve nënpresion dhe mungesa e projektit teknologjik të rezervuarit të gazit ishin shkaqet që çuan në gjobitjen me vlerë nga 50 mijë deri në 1.5 milionë lekë. Ndërsa disa subjekteve të tjera u është ndaluar ushtrimi i aktivitetit pasi nuk dispononin dokumentacionin e nevojshëm.
Gjithashtu për 1 subjekt është vendosur gjobë në masën 2.250.000 lekë, duke qenë se rezulton përsëritës në shkeljet e konstatuara.
Ndër subjektet e gjobitur, përveç pikave të karburantit ka edhe restorante apo hotele, ndërkohë që vlera totale e gjobave kap shifrën e 16.9 milion lekëve.
Numri i subjekteve të ndëshkuar është rritur ndjeshëm në krahasim me 7 mujorin e parë të vitit ku u gjobitën në total 72 subjekte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
