Autori i plagosjes së policit në Durrës është arrestuar nga uniformat blu brenda pak minutash.
MCN TV ka siguruar pamjet e momentit kur Hysen Pici, largohet me vrap që të mos kapet nga policia por ndiqet nga pas dhe i vihen prangat.
Pici i armatosur me pistoletë, nuk iu bind punonjësve të policisë për të ndaluar automjetin luksoz “Range Rover”.
Në momentin që atij i është bërë shenjë për të ndaluar, ai i ka dhënë gaz makinës duke i përplasur dy policët.
Për pasojë njëri prej efektivëve, i identifikuar si G.M., mbeti i plagosur rëndë dhe ndodhet në spital për ndihmë mjekësore.
Ngjarja ndodhi mbrëmjen e së enjtes, rreth orës 22:40, në lagjen nr 1, Durrës kur Pici po lëvizte në sens të kundërt.
Grupi hetimor në bashkëpunim me AMP, nën drejtimin e Prokurorisë vijon punën për sqarimin e plotë të rrethanave dhe dokumentimin ligjor të kësaj ngjarjeje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
