Ekzekutivi i BE-së ka propozuar hapjen graduale të kufijve, në një përpjekje për të filluar industrinëturistike të goditur rëndë nga pandemia e koronavirusit.
"Mesazhi ynë është që ne do të kemi një sezon turistik këtë verë, qoftë edhe në masa të rrepta sigurie", tha komisioneri për çështje ekonomike i BE-së Paolo Gentiloni, "edhe nëse është me masa dhe kufizime të sigurisë."
Kufijtë u mbyllën për shkak të pandemisë në të gjithë Bashkimin Europian, përfshirë edhe ata në zonën jashtë Shengenit.
Megjithatë shtetet kanë filluar t'i rihapin ato.
Austria dhe Gjermania janë bërë vendet e fundit të BE-së që kanë pranuar të heqin kufizimet lidhur me udhëtimet.
Nga e premtja do të ketë kontrolle të rastësishme në vendkalimet kufitare dhe më pas më 15 qershor do të rifillojë lëvizja e lirë. "Ne duam ta bëjmë jetën e përditshme të njerëzve më të lehtë dhe të hedhim një hap më tepër drejt normalitetit", tha kancelari Sebastian Kurz.
Udhëtarët në Mbretërinë e Bashkuar tashmë janë paralajmëruar të mos presin pushime ndërkombëtare dhe të marrin parasysh karantinën 14-ditore. Megjithatë udhëtimi pa karantinë do të jetë i mundur për në Francë dhe Irlandë, thotë BBC.
Shkalla e krizës u mat nga gjigandi i udhëtimeve Tui duke njoftuar humbjen e deri në 8 000 vendeve të punës në të gjithë botën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
