Sezoni turistik në Vlorë tashmë është çelur dhe zyrtarisht, por turistët kanë nisur të frekuentojnë qytetin bregdetar prej muajit prill. Përfaqësues të operatorëve turistikë kanë pritshmëri për këtë sezon, i cili vjen dhe me problematika.
Mungesa e stafeve të punonjësve të turizmit, vonesa në përgatitjen e plazheve për të pritur pushuesit si dhe rritja e çmimeve shihen nga operatorët si vështirësi.
Për biznesmenin Armando Mishgjoni dhe kreun e shoqatës rajonale turistike ‘Aulona’, Dionis Sota mungesa e punonjësve të turizmit është një pengesë për mbarëvajtje.
Pagat kanë pësuar rritje deri në 30 -35 % sipas tyre, çka do të thotë se nuk është shkak për hezitimin e punonjësve të rinj, ndërsa referuar shfrytëzimit të plazheve ata thonë se janë të vonuar dhe fillim qershori do të jetë koha e vendosjes së çadrave dhe shezlonëve për pushuesit, infrastrukturë kjo që do të jetë shumë cilësore, ndryshe nga vitet e kaluara.
Ndryshe nga vitet e pandemisë, sot nuk mund të flitet për kancelime, ndërsa nisur vizitorët prej prillit, në maj është fluks i tyre.
Nga vendi kryeson Tirana, në rajon Kosova dhe Maqedonia, ndërsa nga Europa, Gjermania, Suedia, Norvegjia. Mungon në këtë hartë turistike Ukraina, Rusia dhe polakët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
