Një darkë me hamburger, pica dhe patate të skuqura, e ofruar nga presidenti Trump.
Kështu është pritur në Shtëpinë e Bardhë skuadra universitare e futbollit Clemson Tigers, fituese e kampionatit kombëtar NCAA (National Collegiate Athletic Association).
Për shkak të mbylljes së qeverisë, përveç personelit të kufizuar, Trump është detyruar të paguajë nga xhepi i vet për darkën.
“Do t’u ofroj McDonald's, Wendy's e Burger King's, si edhe pica ", u tha Trump mediave pasditen e djeshme.
“Porositëm ushqim të shpejtë amerikan. Shumë hamburger, shumë pica. Mendoj se ky është ushqimi i tyre i preferuar”, ka shtuar ai.
Zëdhënësja Sarah Huckabee Sanders shpjegoi se shumica e personelit të Shtëpisë së Bardhë janë pushim për shkak të mbylljes së qeverisë, "kështu që presidenti pagoi nga llogaria personale për darkën".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
