Kryeministri Edi Rama në konferencën e jashtëzakonshme pas publikimit të pagave të mbi 600 mijë punonjësve shqiptarë, u shpreh se sistemi i tatimeve është ai nga ku dyshohet se dolën këto të dhëna.
Sipas Ramës sistemi i tatimeve është më i vjetri dhe ndryshe nga e-albani ky sistem nuk ka certifikatë sigurie pasi është krijuar mbi 8 vite më parë.
“Duhet të ndajmë platformën ndërqeveritare me e-albania dhe me sistemin e punës së tatimeve që është programuar prej më shumë se 8 viteve dhe nuk ka lidhje me njëra-tjetrën. Qytetarët duhet të jenë të qartë se veprimet në e-albania janë pjesë e sistemit tjetër me certifikata sigurie kurse sistemi i punës tatimeve është sistem i vjetër. AKSHI që ka përgjegjësinë për përmirësimin e kushteve dhe bashkë me kompanitë që punojnë kanë sjellë përmirësime të vazhdueshme.”, u shpreh Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
