“Nuk pashë reagim te Laçi”, Tahiri: E ka në kontratë, Bitri largohet nga Partizani pas Europës

Ish-futbollisti, Ermal Tahiri, deklaroi në emisionin “Skaner” në MCN TV, se mbrojtësi Eneo Bitri do të largohet nga Partizani pas ndeshjeve të Europës. Sipas Tahirit, në kontratën e mbrojtësit me të kuqtë, thuhet se nëse Bitri merr një ofertë nga jashtë do të largohet.

Ky Partizani do të ketë ndryshime. Bitri do të ikë pas kupave të Europës. I duhen dy qendërmbrojtësa me patjetër. Unë e di, që Bitri pas ndeshjeve në Europë do të transferohet jashtë, sepse kështu është thënë. Edhe sikur të rrijë Bitri, një qendërmbrojtës i duhet Partizanit. Unë e di që Bitri e ka në kontratë që nëse merr ofertë nga jashtë do të largohet.

Në lidhje me barazimin e Laçit ndaj Iskra, Tahiri u shpreh se u vu re boshllëku në mesfushë, për shkak të largimit të Shehut dhe Deliut, ndërsa shtoi se nuk pa asnjë reagim nga kurbinasit në minutat e fundit.

U duk shumë boshllëku i Shehut dhe Deliut te Laçi. Ekipi u hap dhe luanin me lojtarët e krahut. Zarubica nuk më la ndonjë shije të mirë. Ishte mundësia me Guindo në minutat e para për të shënuar. Nëse do kishin shënuar, mund të shikonim më shumë nga Laçi. Skuadrat malaeze dinë të mbrohen. Kishin edhe ata një rast për të shënuar në pjesën e parë. Nuk pashë reagim nga Laçi në minutat e fundit. Nuk pashë të bënin presion. E bënë vetëm në minutat shtesa. Megjithatë mendoj se tashmë Laçi i ka të gjitha mundësitë për tu kualifikuar.