Fermeri Romeo Mila nuk është penduar që ka lënë Italinë për të punuar dhe zhvilluar aktivitetin e tij në fshatin Gogolas në Lushnjë ku ka arritur të mbjellë shumë hektarë vreshta në vendlindjen e tij. Përmes një lidhje “Skype” me studion e lajmeve në MCN TV, Mila tha se prodhon vetëm për tregun e brendshëm dhe se nuk i intereson eksporti pasi çmimet nuk janë tërheqëse.
Duke vijuar shpjegimin e tij, fermeri tha se vjet dhe sivjet ai ka marrë subvencione për inputet, por shtoi se nafta që ai merr nuk mbulon as 5% të nevojës që ai ka.
Deri tani shumë mirë, vitin e kaluar kishte më shumë rezultat, por këtë vit jemi sërish mirë. Për momentin prodhojmë vetëm për tregun e brendshëm, nuk më tërheq eksporti, s'ka çmime të mira. Jemi pak më dobët se viti i kaluar. Deri tani jo, nuk jam penduar, çdo vit vij duke u zmadhuar dhe zgjeruar.
Unë këtë vit kam pasur 3 hektarë sera, bëj rrush të hershëm, po rkam e varitete të vona. Tregtojmë në Kosovë dhe Shqipëri, tek tregjet e Ballkanit, nëpërmjet pikave të grumbullimit. Kam marrë vitin e kaluar subvencionim për plasmasin dhe këtë vit kam marrë për inputet. Kemi marrë dhe për naftën edhe pse nuk është e mjaftueshme pasi mbulon vetëm 5% të nevojës së naftës që kam unë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
