Policia greke ka pasur përplasje me banorët e një kampi refugjatësh në Samos, të cilët ishin organizuar në një marshim për të protestuar ndaj kushteve të këqija në kamp.
Rreth 100 refugjatët u përpoqën të marshonin drejt qytetit, por u ndaluan nga policia.
Policia bllokoi daljen e tyre dhe gjuajti me armë në shenjë paralajmëruese.
Ajo përdori gaz lotsjellës dhe madje disa nga demonstruesit thonë se janë rrahur e janë marrë në pyetje në polici.
Shumë njerëz atje banojnë në tenda (shpesh të ndërtuara vetë) dhe nuk kanë kushte higjenike.
Refugjatët ankohen për plehrat dhe gjallesa të rrezikshme si: gjarpërinj, akrepë e minj.
Në kamp ka pasur më parë edhe tri protesta paqësore për kushtet e rënda të jetesës.
Përplasja erdhi pak ditë para votimeve parlamentare europiane në Greqi. /Sipas EuroNews/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
