Liderja e qeverisë civile birmaneze, Aung San Suu Kyi, aktive për shumë vite në mbrojtjen e të drejtave të njeriut, u dënua me 7 vite burg nga një gjykatë e juntës së Mianmarit.
Gjyqi i nobelistes 77-vjeçare zgjati 18 muaj. Suu Kyi u dënua me 7 vite burg e përballur me pesë akuza për ryshfet në lidhje me marrjen me qira dhe mirëmbajtjen e një helikopteri që pretendohet se shkaktoi “humbje për shtetin”.
Që nga grushti i shtetit të 1 shkurtit 2021 në Burma, ish-udhëheqësja 77-vjeçare ka qenë e burgosur e juntës, në një burg në Naypyidaw, e akuzuar për një sërë krimesh: nga korrupsioni tek mashtrimi zgjedhor, e akuzuar për shkeljen e sekretit shtetëror dhe atë të masave anti-Covid.
Aung San Suu Kyi e cila dikur ishte liderja “de fakto” e vendit, më pas e përmbysur nga junta ushtarake, është përballur me gjyqe të vazhdueshme gjë që çoi në 33 vite burg në total për të gjitha dënimet.
Gazetarët u ndaluan të merrnin pjesë në seancat dëgjimore dhe avokatëve të Suu Kyi-t u ndalua të flisnin me mediat.
Mianmari është përfshirë nga trazirat që nga grushti i shtetit dhe që atëherë më shumë se 2600 persona janë vrarë në goditjen e ushtrisë ndaj disidencës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
