Një 39-vjeçare e diagnostikuar me sëmundjen COVID-19 nga fshati Lluga i Istogut ka ndërruar jetë. Sipas MSH-së sot me datë 13.04.2020 në Mjekimin Intensiv të Klinikës Infektive të QKUK-së ka përfunduar me vdekje pacientja S.K. (1981) nga Komuna e Istogut, e transformuar në këtë klinikë me datë 12.04.2020 nga Klinika e Kirurgjisë Abdominale pas ndërhyrjes kirurgjikale dhe njëherësh e diagnostikuar me Covid 19.
Përveç Covid-19, gruaja ka pasur edhe sëmundje të tjera bashkëshoqëruese.
Gruaja 39-vjeçare nga Istogu ishte operuar në QKUK pa e ditur mjekët se ajo ishte e prekur me COVID-19.
Ajo kishte qëndruar në spitalin rajonal të Pejës për tri ditë rresht ndërsa kohëve të fundit kishte vizituar edhe disa prej familjarëve të saj në Skenderaj.
Kjo është vdekja e tetë e shënuar në Kosovë e pacientëve me Covid -19.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
