Ish-deputeti Koço Kokëdhima bëri publike mbrëmë nisjen e një lëvizjeje politike brenda PS-së për ta demokratizuar, reformuar dhe fuqizuar.
Ish-deputeti socialist e bëri këtë deklaratë mbrëmë në emisionin “Studio e hapur”. “Unë kam për të zhvilluar një lëvizje brenda Partisë Socialiste, që synon reformimin e PS-së dhe të arrihet që çdo anëtar të votojë”, tha Kokëdhima.
Ai tha se do të mbetet brenda PS-së, por do të vijojë të luftojë për zgjedhje të lira.
“Ne duhet të kemi një sistem shumë të mirë elektoral, ku votimit të bëhet në mënyrë elektronike. Nëse do të vazhdojmë kështu siç jemi, asnjëherë nuk do të mbarojë korrupsioni në këtë vend. Skenat e numërimit të votës janë skenat më të tmerrshme që ka Shqipëria”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
