Vijojnë ndryshimet në disa komisariate këtë herë në nivel drejtuesish.
Mësohet se Elton Alushi nga shef i Krimeve të Lehta në policinë e Tiranës është emëruar shef komisariati në Krujë.
Ndërkohë që shefi i Komisariatit të Krujës, Artur Hebaj, është emëruar në Pogradec duke zëvendësuar Niko Pallën.
Lëvizje ka patur gjithashtu edhe në komisariatin e Korçës, ku shefi Florian Dano është transferuar në Tiranë në krye të “Forcave Shqiponja”, ndërsa në vendin tij është emëruar Krenar Gjokutaj.
Shefi i Antidrogës në Lezhë, Ermal Hajdini, është transferuar si Shef Komisariati në qytetin e Durrësit.
Burime bëjnë me dije se mund të ketë edhe lëvizje të tjera në të tjerë komisariatë, ndëkohë që pritët një deklaratë zyrtare nga Policia e Shtetit për këto ndryshime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
