Dy shqiptarë kanë përfunduar në prangat e policisë italiane, pasi u kapën teksa transportonin me skaf një sasi të madhe marijuane. Mjeti lundrues me 1.3 ton kanabis u kap në në Bari, pas sinjalizimit të bërë nga policia shqiptare.
Guardia di Finanza është vënë në ndjekje të skafit të kundrëligjshëm dhe pas disa orë ndjekjeje u arrit të kapej skafi me 1350 kg kanabis në bord në afërsi të Barit dhe të arrestohen dy trafikantët shqiptarë. Në pranga janë vënë G.I., 24 vjeç, dhe B.K., 52 vjeç.
Policia italiane dhe ajo shqiptare vijojnë hetimet për të zbuluar persona të tjerë të përfshirë në këtë trafik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
