Një gjykatë egjiptiane të shtunën lëshoi dënime me vdekje për 75 vetë, dhe burgim të përjetshëm për 47 të tjerë, duke përfshirë udhëheqës të shquar islamikë si dhe ka burgosur më shumë se 600 të tjerë për protestat e vitit 2013 që përfundoi me vrasjen e qindra protestuesve nga forcat e sigurisë.
Gjykata përfundoi gjykimin masiv që ndodh për herë të parë për rreth 700 persona të akuzuar për vepra penale duke përfshirë vrasjen dhe nxitjen e dhunës gjatë protestës së Vëllazërisë Myslimane në sheshin Rabaa Adawiya në Kajro.
Qeveria thotë se shumë protestues ishin të armatosur dhe se tetë anëtarët e forcave të sigurisë u vranë, por fillimisht thoshte se më shumë se 40 policë kishin vdekur. Që atëherë, Vëllazëria Myslimane është quajtur një "organizatë terroriste".
Grupet e të drejtave thonë se mbi 800 protestues vdiqën në incidentin më të madh vdekjeprurës gjatë trazirave që pasuan kryengritjen popullore të Egjiptit në 2011. Amnesty International dënoi vendimin e së shtunës, duke e quajtur gjyqin "të turpshëm".
Më parë këtë vit, parlamenti i Egjiptit u dha zyrtarëve ushtarak imunitet për goditjen vdekjeprurëse dhe çdo krim të kryer ndërmjet korrikut 2013 dhe janarit 2016.
Ata që u dënuan në gjyqin masiv u akuzuan për shkelje të sigurisë, duke përfshirë nxitjen ndaj dhunës, vrasjen dhe organizimin e protestave të paligjshme.
Anëtarët dhe politikanët e shquar në organizatën e Vëllazërisë Myslimane tashmë të ndaluar ishin midis atyre që u dënuan me burgim të përjetshëm, duke përfshirë Udhëzuesin e Lartë të saj, Mohammed Badie.
Gjithashtu mes të dënuarve ishte edhe foto-reporteri fitues i disa çmimeve, Mahmud Abu Zeid, i njohur si Shawkan, i cili mori një dënim me pesë vjet burg.
Më herët këtë vit, Parlamenti egjiptian u dha oficerëve ushtarakë imunitet për goditjen vdekjeprurëse dhe krimet e kryera mes korrikut të vitit 2013 dhe janarit të 2016-s.
Ndërsa Human Rights Watch ka thënë se nga vrasja e forcave të sigurisë egjiptiane për rreth 817 njerëzve ndoshta përbënte një krim kundër njerëzimit.
Qindra vetë u arrestuan kur ushtria egjiptiane dhe policia shpërndanë protestën pro-Morsi, e cila u zhvillua një muaj pasi ish-presidenti i zgjedhur në mënyrë demokratike u rrëzua nga shefi i atëhershëm ushtarak dhe presidenti aktual, Abdel Fatah al-Sisi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
