Dy shqiptarë janë arrestuar, pasi policia italiane ka ngritur dyshimet se një sasie e konsiderueshme kokaine e sekuestruar thuhet se u përket atyre.
Dy shqiptarët janë Ilir Limushaj, 32 vjeç dhe Denald Biba, 20 vjeç, u arrestuan në banesën ku jetonin në rrugën “Baveno” në zonën San Donato të Torinos.
Nga ana tjetër thuhet se të rinjtë shqiptarë ishin në paraburgim pasi u kapën me dokumente ta parregullta për të qëndruar në Itali.
Në stacionin e policisë ata u vizituan nga një vajzë rumune 22 vjeç. Stafi mbikëqyrës vuri re se njëri prej dy shqiptarëve i dha fshehurazi rumunes disa çelësa, e cila më pas u largua menjëherë.
Ky veprim ngjalli dyshime tek policia, e cila ndoqi 22-vjeçaren për të zbuluar se ku do të shkonte.
Vajza iu drejtua një apartamenti dhe gjatë përpjekjes për të gjetur çelësin e duhur të derës, ndërhyri menjëherë policia. Nga kontrolli në banesë u zbuluan 7 pako me drogë, që rezultuan të ishin 4 kg kokainë.
Gjithashtu, në raftet e kuzhinës u gjetën të fshehura një shumë parash prej 18 mijë Euro. Autoritetet italiane dyshojnë se droga u përket dy shqiptarëve, që ishin ndaluar më herë për emigracion të paligjshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
