Është thelluar bilanci tragjik i ngjarjes në Letoni që përfshiu tre ushtarakë shqiptarë. Pas Zarife Hasanajt, nëntetares që u përcoll dje në varrezat e dëshmorëve, sot është bërë me dije se ka humbur jetën edhe majori Klodian Tanushi. Ministrja e Mbrojtjes Olta Xhaçka ka dhënë njoftimin përmes rrjetit social Facebook duke shprehur ngushëllimet për familjen:
Një lajm tjetër i dhimbshëm vjen nga Letonia. Komandanti i kontingjentit shqiptar në misionin e NATO “Enhanced Forward Presence”, major Klodian Tanushi humbi pak çaste më parë betejën e fundit me jetën. Me zemër e me shpirt i gjendemi pranë familjes, bashkëshortes e tri fëmijëve në këtë ditë zije. Do t’ju mungojë atyre, por do të na mungojë të gjithëve ne që patëm fatin ta njohim. Do mbetesh përjetë në mendjen e zemrën tonë Klodi, miku ynë!
shkruan Xhaçka.
Me humbjen e jetës së majorit Tanushi numri i të vdekurve në Letoni si pasojë e shpërthimit të eksplozivëve shkon në dy, ndërkohë që ushtaraku tjetër, rreshteri Julianj Kapaj është i plagosur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
