Në Maqedoninë e Veriut, Ministria e Shëndetësisë do ta menaxhojë pandeminë me buxhet të reduktuar. Në buxhetin e vitit 2021 është parashikuar një reduktim prej 10 milion eurosh.
Prioritetet kryesore janë ndërtimi i qendrave të reja klinike në Shkup dhe Shtip si dhe rindërtimi i spitalit të përgjithshëm në Kërçovë.
Ministria thotë se pavarësisht buxhetit të reduktuar, ka siguruar para për të luftuar virusin Covid 19.
“Reduktimi i shumave është për shkak të zvogëlimit të mjeteve nga llogaria e kredisë për ndërtimin e një qendre klinike në Shkup. Me rishikimin, parashihen mjete shtesë për pagesën e këstit të parë për furnizimin e vaksinës kundër koronavirusit. Fonde shtesë janë dhënë për furnizim të ilaçit Remdesivir, për pacientët me koronavirus”, citohet ministria nga mediat vendase.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
