Prej një muaji, në Kosovë vijon greva e arsimtarëve, e cila ka lënë të mbyllura shkollat, kopshtet dhe çerdhet. Vjollca Shala, nënkryetare e Sindikatës së Arsimit në Kosovë, thotë se mësuesit janë të vendosur të vijojnë grevën.
Kemi hyrë në javën e pestë. Mësuesit janë të vendosur të qëndrojnë në grevë. Ne e kemi pranuar pakon ekonomike të kryeministrit. Ne kërkojmë rritje të pagës në bazë të rritjes ekonomike. Kërkojmë që në vitin 2023 të bëhet rritja e pagës në bazë të rritjes ekonomike.
Greva e mësuesve ka lënë pa mësim 350 mijë nxënës në të gjithë vendin. Mësuesit thonë se janë të gatshëm të ulen në bisedime me qeverinë. Shala e përjashton mundësinë e një prapavije politike.
Nuk është e drejtë për fëmijët dhe nxënësit. Ne jemi të gatshëm që në çdo moment të dialogojmë dhe të gjejmë një zgjidhje. Nuk ka mundësi të ketë prapavijë politike, kur ne i kemi 325 mijë anëtarë. Në mesin e tyre ka edhe nga ata që i përkasin partisë në pushtet. Nga ana e qeverisë për kërkesat tona nuk kemi marrë asnjë ofertë. Jemi duke analizuar projektligjin e pagave. Në afatin kohor që do të jetë në diskutim publik, ne do t’i dërgojmë tek institucionet përgjegjëse. Nuk mund të flasim për një datë se kur fillon shkolla. Nga ana e qeverisë nuk kemi ftesë për takim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
