Shirat e dendur që përfshinë Tiranën dy muaj më parë përmbytën edhe katin e parë të Bashkisë së Tiranës, duke sjell jo pak problemem me dokumentacionin i cili u prek nga rrjedha e ujit.
Vetëm disa ditë pas ngjarjes "TemA Tv" i dërgoi disa pyetje bashkisë lidhur me përmbytjen e katit të parë të këtij institucioni.
Por "TemA Tv" i kërkon ndjesë lexuesve dhe Bashkisë së Tiranës, pasi përgjigja ka ardhur e ndarë në dy kopje. 
Në përgjigjen e saj të parë, Bashkia e Tiranës bën me dije se "ka ngritur grupin e konstatimit dhe verifikimit të dëmit dhe nga ky grup janë analizuar të gjitha shkaqet e përmbytjes së katit nën tokë të ambienteve të Bashkisë Tiranë, për të cilin është hartuar raporti përfundimtar, ku i është vënë në dispozicion kryetarit të Bashkisë Tiranë".
Ndërsa në përgjigjen e saj të dytë bashkia e kryeqytetit bën me dije se "mbi bazën e dokumenteve të hartuara nga grupi i punës, Bashkia Tiranë ka nisur edhe një kërkesë padi për shpërblimin e dëmeve të shkaktuara ndaj firmës zbatuese "Kale Restirsyon turizem Kimia Nakliye Sanaylve Ticared Limitted Sirketi" e cila në kohën e përmbytjes po kryente punime për rrjetin e jashtëm të drenazhimit në objektin e "Xhamia e Et'hem Bej" në pjesën që kufizohet me Bashkinë e Tiranës".
Këto reagime të bashkisë erdhën pasi në media u zbulua se uji u fut në katin e parë të bashkisë ndërsa dëmet ishin ndaj dokumentacionit që ishin në këtë pjesë të institucionit.
Uji i shirave të rrëmbyeshëm vërshoi nga të gjitha anët edhe pse kanalizimet në qendrën e kryeqytetit ishin të reja për shkak të punimeve gjatë ndërtimit të sheshit “Skënderbej”. Për tërheqjen e ujit nga ambientet e brendshme të bashkisë është dashur ndërhyrja e skuadrave të zjarrfikëses dhe UKT-së.
Ishte “Respublica.al” publikoi një foto, ku duket korridori i bashkisë në të cilin janë varur për t’u tharë disa dokumente të cilat ishin lagur nga uji që përmbyti katin e parë.
Ngjarja u denoncua edhe nga kryetari i Këshillit Bashkiak i Partisë Demokratike, Kreshnik Çollaku. “Burime nga brenda Bashkisë na njoftojnë se janë dëmtuar rëndë sallat dhe dokumentacionet e arkivës, gjendjes civile dhe biblioteka", shkruante Çollaku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
