Arabia Saudite tha të hënën se dy nga tankerët e saj të naftës ishin objektiva të “një sulmi sabotimi” jashtë brigjeve të Emirateve të Bashkuara Arabe, në sulmet që ajo përshkroi si kërcënim për sigurinë e furnizimeve globale të naftës.
Gjatë javëve të fundit, tensionet janë rritur në rajonin e pasur me naftë mes vendosjes së një numri në rritje të aseteve ushtarake të Shteteve të Bashkuara në Lindjen e Mesme për shkak të përkeqësimit të marrëdhënieve me Iranin.
Një nga dy anijet Saudite ishte në rrugën e saj për t'u ngarkuar me naftë të papërpunuar saudite nga porti i Ras Tanura, për t'u dërguar klientëve në SHBA, njoftoi të hënën agjencia shtetërore e shtypit e Arabisë Saudite (SPA) Arabia Saudite.
Ndërsa agjencia nuk përmendi viktima apo derdhje të naftës, ajo tha se kishte pasur "dëme të konsiderueshme në strukturat e dy anijeve".
Të dielën, Emiratet e Bashkuara Arabe thanë se katër anije mallrash tregtare u vunë në shënjestër nga "operacionet sabotuese" jashtë bregut të saj lindor. Sabotimi i dukshëm u zhvillua pranë ujërave territoriale UAE në Gjirin e Omanit, në lindje të emiratit të Fujairahut, tha të dielën Ministria e Punëve të Jashtme dhe Bashkëpunimit Ndërkombëtar.
Është e paqartë nëse anijet e përmendura nga Arabia Saudite dhe Emiratet e Bashkuara Arabe janë pjesë e të njëjtit incident.
Ministria e Jashtme iraniane tha se incidentet ishin "shqetësuese dhe të tmerrshme" derisa kërkuan një hetim të plotë.
SHBA-ja ka vendosur anije luftarake shtesë në ditët e fundit për t’i kundërshtuar ato që ai e quajti "indikacione të qarta" të kërcënimeve nga Irani ndaj forcave të saj dhe trafikut detar në rajon. Irani e hodhi poshtë pohimin si të pakuptimtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
