Inteligjenca ukrainase thotë se vrasja e ish- kryetarit të parlamentit është veprës e Moskës dhe se për atentatin mund të jetë pajtuar një vrasës me pagesë.
Kievi ka akuzuar drejtpërdrejtë Moskën për vrasjen e ish-kryetarit të parlamentit Andriy Parubiy, por pa dhënë prova për rastin.
“Personi i armatosur ishte maskuar si korrier dhe qëlloi tetë herë. Ai kaloi një kohë të gjatë duke u përgatitur, duke vëzhguar dhe planifikuar atentatin. Ka përfshirje ruse në këtë atentat. “, tha Ivan Vyhivskyi, kreu i policisë ukrainase.
Për inteligjencën ukrainase ky atentat duket si vrasje me pagesë. "Kemi informacione për përfshirjen e mundshme të shërbimeve të sigurisë Ruse në organizimin e vrasjes", tha SBU-ja ukrainase.
Andri Parubiy ishte kryetar parlamenti nga viti 2016 deri në vitin 2019. Ai udhëhoqi protestat masive në vitet 2013-14 që shkaktuan largimin e presidentit të atëhershëm të Ukrainës, pro-rusit Viktor Janukoviç dhe i mbijetoi një atentati me granatë në atë kohë. Parubi mbante poste të larta në Ukrainë. Policia ka ndaluar një person të dyshuar për vrasjen e tij në Lviv. Ai është një 52-vjeçar, banor i Lvivit.
Ndërkohë, të dyja vendet kanë akuzuar njëra-tjetrën për tentativa të dështuara ose atentate të suksesshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
