West dhe Shannon gjetën gjatë kërkimeve të tyre në një zonë në jug të Australisë dy copa të mëdha floriri, që së bashku peshojnë 3,5 kilogramë e arrijnë vlerën e 250.000 dollarëve amerikanë. Zbulimi i tyre fatlum u transmetua në shoë-n televiziv Aussie Gold Hunters. Dy burrat kishin gërmuar në zonë e kishin përdorur dhe detektorin e metaleve për të rënë në gjurmët e “thesarit” të tyre.
“E pranoj se ishte edhe pak fat që shkuam aty; ishte tokë e paprekur, s’e kishin gërmuar”, Ethan West, njëri prej dy kërkuesve të arit që kanë përfunduar në titujt e parë të gazetave e përshkruan me këto fjalë zbulimin e tij dhe Brent Shannon-it, zbulim që i bëri të famshëm dhe të pasur!
Sipas Discovery Channel, ka gjasë që koleksionistët të paguajnë për dy copat e arit deri në 30% më shumë sesa vlera e tyre e tregut.
Kërkimet për ar në Australi nisën në vitet 1850, duke u shndërruar që prej atëherë në një industri të rëndësishme në këtë vend. Vetë qyteti i Tarnagulla u krijua gjatë etheve të arit në shtetin e Victoria-s dhe u pasurua shumë brenda një periudhe të shkurtër kohe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
