Aktori i Hollivudit Michael Madsen, 67 vjeç, vdiq në shtëpinë e tij në Kaliforni të enjten në mëngjes, raporton BBC.
Ai u gjet i pavetëdijshëm nga autoritetet duke iu përgjigjur një telefonate 911 në shtëpinë e tij në Malibu dhe u shpall i vdekur në orën 08:25 sipas kohës lokale (BST), sipas The Hollywood Reporter.
Sipas autoriteteve, besohet se ai ka vdekur nga një atak kardiak.
Madsen ishte një aktor i shkëlqyer, i njohur për rolet e tij në filmat e Quentin Tarantinos si Reservoir Dogs, Kill Bill: Vol. 2, The Hateful Eight dhe Once Upon a Time in Hollywood.
Madsen lë pas pesë fëmijët e tij. Djali i tij Hudson vdiq pasi u vetëvra në vitin 2022, në moshën 26 vjeç.
Ai ishte i martuar me Georganne LaPiere, gjysmëmotër e këngëtares dhe aktores Cher nga viti 1984-1988.
Ai ka një vajzë me emrin Jessica, nga lidhja me Dana Mechling.
Madsen ishte i martuar me Jeannine Bisignano nga viti 1991 deri në vitin 1995. Ata kanë dy djem, Christian dhe Max.
Në vitin 1996, ai u martua me DeAnna. Së bashku ata patën tre djem, Luke, Kalvin dhe Hudson.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
