Ekipet e shpëtimit po kërkojnë një nga njerëzit më të pasur të Gjermanisë, i cili është zhdukur prej së shtunës në Alpet e Zvicrës ku kishte shkuar për të bërë ski.
Karl-Erivan Haub, trashëgimtar i zinxhirit të supermarketeve Tengelmann, nuk u kthye nga një udhëtim turistik në Alpet zvicerane, pranë Matterhorn
Një zëdhënëse e Tengelmann konfirmoi të mërkurën se po kryhet një kërkim "me shpejtësi të plotë" për Haub, raporton BBC.
58-vjeçari ka qenë përgjegjës për firmën që nga viti 2000 dhe zotëron marka të ndryshme supermarketi në Gjermani dhe Evropën Qendrore.
Në një letër të botuar në gazetën gjermane 'Handelsblatt', vëllai i shefit të supermarketit, Christian Haub, tha se ai ishte një skiator dhe alpinist me përvojë.
Ai tha se shpresonte ende që vëllai i tij do të gjendej, por se familja Haub, një nga më të pasurat e Gjermanisë, ishte "e përgatitur" për lajme të këqija.
Nëse Haub nuk do të gjendet, "biznesi do të vazhdojë të funksionojë normalisht dhe rregullisht", shtoi ai.
Familja e miliarderit të zhdukur është një ndër më të pasurat në botë dhe revista Forbes e kishte renditur atë në vendin e 265 të njerëzve më të pasur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
