Një person është plagosur me mjete të forta gjatë një sherri që ndodhi sot paradite në Babrru. Sipas nje informacioni paraprak nga Policia e Tiranes, behet me dije se rreth orës 10:35, në Numrin e Emergjencave 112, eshte njoftuar për një konflikt tek Ura e Babrrusë.
Në vendngjarje kanë mbërritur shërbimet e policisë dhe ambulanca, ku nga verifikimet paraprake rezulton se janë konfliktuar me sende të forta disa shtetas, ku për pasojë është dëmtuar shtetasi A.G, i cili ndodhet nën kujdesin e mjekëve.
Dyshohet të ketë patur dhe të shtëna me armë, në ajër.
Sherri thuhet se ka nisur pasi “fërkimit” të dy makinave. Mësohet se personi i plagosur, është goditur me lopatë. Policia ka arritur të identifikojë personin që dyshohet të jetë edhe autori i plagosjes, Halil Kullën.
Grupi hetimor ndodhet në vendngjarje dhe po vazhdon punën për kapjen e autorit të identifikuar dhe zbulimin e shkakut dhe rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
