Ish-deputetja demokrate, Albina Deda, thotë se janë mbi 5 mijë firmat e mbledhura në mbështetje të nismës që ka iniciuar në PD ish-kryeministri Berisha. Në studion e lajmeve në MCN TV, Deda tha se pavarësisht përpjekjeve të Bashës dhe të majtës për ta njollosur procesin, ai është i pastër dhe Berisha gëzon mbështetjen e anëtarësisë.
Firmat janë të vërteta. Kam qenë vetë pjesë e procesit. Ka qenë gjithçka e lirë. Ata që kanë firmosur janë delegatë të PD. Është investuar shumë në këtë pjesën e mashtrimeve zoti Basha. Por edhe e majta për të hedhur baltë mbi këtë proces që është kaq i pastër.
Nuk kam frikë, ne po zbatojmë statutin e PD. Kemi qenë të qartë me mediat dhe publikun. Statuti e përcakton që ¼ e delegatëve mbledh Kuvendin. Ne i kemi kaluar 5 mijë firma. Kjo e sfumon datën 18.
Rreshtimin e saj në krah të Berishës, Deda e argumentoi me pakënaqësinë që sipas saj kanë demokratët me mënyrën si e ka drejtuar Basha partinë.
Humbjet e njëpasnjëshme, marrëveshja e 17 majit, pazaret me kryeministrin dhe maxhorancën, largimi nga kauzat e PD. Ai la jashtë grupin e atyre që mendonte se ishin mbështetës të Berishës. U larguan në bllok dhe pa asnjë njoftim. Berisha e mbron vetë veten, nuk ka nevojë ta mbrojmë ne. Basha pati kohën e duhur të thoshte unë distancohem nga ky proces, por e kaloi këtë çështje në kanale politike për të eliminuar Sali Berishën.
Dedaj theksoi se e gjithë “lufta” bëhet që PD-ja t’u rikthehet demokratëve.
Ne po luftojmë dje kemi parasysh që duam të vëmë në vend institucionin e votës. Të vendosë anëtarësia dhe jo kryetari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
