Ambasada e Shteteve të Bashkuara të Amerikës në Tiranë ka shprehur ngushëllime për familjen dhe miqtë e Majorit Klodian Tanushi, i cili humbi jetën në krye të detyrës gjatë misionit të NATO-s në Letoni.
Në një postim në twitter, Ambasada thotë se u bashkohet qytetarëve shqiptarë në nderimin e sakrificës së tij dhe në vajtimin për humbjen e tij. “Shtetet e Bashkuara shprehin ngushëllimet më të thella për familjen dhe miqtë e Majorit Klodian Tanushi, i cili humbi jetën në krye të detyrës gjatë misionit të NATO-s në Letoni. Iu bashkohemi qytetarëve shqiptarë në nderimin e sakrificës së tij dhe në vajtimin për humbjen e tij”, thuhet në reagim.
Arkivoli me trupin e pajetë të major Tanushit do të mbërrijë të mërkurën në atdhe.
Ministria e Mbrojtjes ka njoftuar se homazhet do të mbahen ditën e enjte më 16 maj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
