Një sasi prej tre kilogram e gjysmë lëndë narkotike marijuanë i mbështjellë me materiale plumbi për të shmangur skanerat u sekuestrua nga policia italiane në Bari.
Hetimet për rastin janë në progres, ndërsa droga ishte fshehur në pjesën e parakolpit të mjetit.
Në pranga ka përfunduar një shtetas nga Shqipëria, identiteti i të cilit nuk bëhet i ditur.
Sipas mediave lokale në Bari, automjeti me drogën kishte mbërritur me traget nga Shqipëria dhe panelet e plumbit ishte bërë për të shmangur kontrollin e skanerëve në doganë.
Shqiptari i arrestuar është dërguar në burgun e Barit, ndërsa po zhvillohen hetimet për bashkëpunëtorët e mundshëm në trafikun ilegal të drogës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
