Qytetarët shqiptarë po përballen me vështirësi për të kaluar pushimet këtë vit, duke folur për çmime tejet të larta.
Gazetarja e MCN Tv, Valbona Lila, ndaloi disa qytetarë në qendër të Tiranës, për t’i pyetur se ku do të pushojnë.
Një i moshuar tha se do të pushojë në Voskopojë pasi për shkak të problemeve shëndetësore, mjeku na ka rekomanduar vende malore.
Kostot pak a shumë aty, vjet në Voskopojë ka qenë 55 çifti, sivjet ka vajtur 60. A janë të përballueshme çmimet? Të na rrojnë fëmijët.
Një tjetër qytetar tha se pushimet do i zhvillojë në Shqipëri dhe në Durrës, por tha se çmimet janë shumë të larta.
Populli është në rrezik. Jo nuk kam prenotuar, nuk kemi para. 15 ditë këtu në vend, se po të shkosh jashtë do pare shumë, qeveria s’ka ngrit as paga as pensione.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
