Martin Kaza u ekstradua sot nga Britania e Madhe në vendin tonë, pasi është dënuar në mungesë me 22 vite burg për vrasjen e dy vëllezërve në Mirditë në vitin 1995.
Zyrtarisht policia deklaron se nga Specialistët e Interpol Tirana u krye ekstradimi nga Londra, i shtetasit shqiptar Martin Kaza, 46 vjeç lindur në Lezhë.
Kaza ishte i shpallur në kërkim ndërkombëtar pasi Gjykata e Rrethit Kurbin, e ka dënuar me 22 vite burg, për veprat penale “Vrasje me paramendim, e kryer në bashkëpunim” si dhe “Armëmbajtje pa leje”.
Në vitin 1997, Kaza ka vrarë për hakmarrje në qytetin e Laçit vëllezërit Dod dhe Augustin Gjini, të cilët kanë qenë autorët e dyshuar të vrasjes se vëllait të tij në vitin 1995 në Mirditë.
46-vjeçari nga Lezha kishte apeluar vendimin e gjykatës në angli pasi ishte arrestuar, por edhe këto procedura të ndjekura prej tij nuk e kanë shpëtuar atë nga ekstradimi për në Shqipëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
