Detaje të reja kanë dalë nga aksidenti i katërfishtë në aksin rrugor Milot-Fushë Mamurras, ku janë përfshirë edhe dy mjete nga eskorta që shoqëronte ish-Kryeministrin Sali Berisha. Nga informacionet e marra në vendin e ngjarjes, mësohet se shkak është bërë hyrja kundravajtje e një automjeti, duke shkaktuar përplasjen masive.
Policia ka shkuar në vendin e ngjarjes, ndërsa shoqëruesit e ish-Kryeministrit kanë pretenduar se kjo ngjarje mund të ketë qenë e qëllimshme. Të dëmtuar kanë mbetur dy persona, ndërsa janë marrë në pyetje shoqëruesit e Berishës për të dhënë dëshminë e tyre mbi aksidentin.
Njoftimi nga policia:
Në aksin rrugor Milot- Fushë Mamurras, mjeti me drejtues shtetasin A.M., ka goditur mjetin me drejtues shtetasin S.L., e më pas ka goditur mjetin shoqërues të eskortës deputetit S.B.
Si pasojë kanë marrë dëmtime të lehta 2 shtetas banues në Kosovë.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
Sipas burimeve, mësohet se mjeti me të cilin udhëtonte Sali Berisha shoqërohej edhe nga tre mjete të tjera, teksa ktheheshin nga foltorja e Kurbinit. Një makinë ka dalë nga një karburant është futur kundravajtje në autostradë, duke i dalë përballë vargut të eskortave të ish-Kryeministrit Berisha.
Burimet thonë se mjeti ku ishte Berisha ka mundur të devijojë pa u përplasur, ndërsa është goditur mjeti i fundit edhe pse ka bërë një frenim të fortë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
