"El Chapo" Guzman pritet të ekstradohet drejt SHBA-ve. Një gjykatë në Meksikë ka hedhur poshtë pesë kërkesa të avokatëve mbrojtës, që kundërshtojnë ekstradimin. Narkotrafikanti gjakatar i kartelit Sinaloa, i arratisur dy herë nga burgjet meksikane ka vetëm një mundësi për të apeluar ekstradimin në Teksas ose Kaliforni, ku do të përballet me drejtësinë amerikane.
Apeli i fundit është ai që pritet të dorëzohet në Trupën Kolegjiale, e cila nëse hap dritën jeshile, do të detyrojë “El Chapo”-n të ekstradohet drejt SHBA-ve në janar ose shkurt.
Kërkesa e drejtësisë amerikane është pranuar nga Ministria e Jashtme dhe Gjykata e Lartë meksikane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
