Aksionet e gjigantit kinez të tregtisë elektronike Alibaba u rritën mbi 10 për qind, çka i lejoi atij të kapërcejë Facebook-un me kapitalizimin e tregut dhe të ngjitet më lart në listën e firmave më të vlefshme në botë.
Nuk është hera e parë që vlera në treg e Facebook-ut kapërcehet nga Alibaba. Të dy firmat shpesh shkëmbejnë vendet në listën e 10 firmave më të vlefshme në botë. Ato renditen pas saudites Aramco, Apple, Microsoft, Amazon dhe Alphabet (Google).
Gjigandi kinez i tregtisë online më parë ia kalonte Facebook-ut në një renditje tjetër, e cila vlerësoi markat më të vlefshme në botë. Alibaba tani konsiderohet marka më e vlefshme kineze, e ndjekur nga lideri i teknologjisë, Tencent. Të dy kompanitë morën pozicionet e 6-të dhe të 7-të në vlerësimin '100 markat globale më me vlerë” të këtij viti, ndërsa Facebook ishte pas tyre, duke rënë tre vende që nga viti 2019.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
