Uragani Oscar ka shkaktuar të paktën gjashtë të vdekur në komunën e San Antonio del Sur, në Guantanamo, në pjesën lindore të Kubës.
“Për momentin ka forca të ministrisë së Brendshme, të Forcave të Armatosura dhe Kryqit të Kuq, që marrin pjesë në operacionet e shpëtimit”, tha koloneli Argenis Perales Perez, kreu i Departamentit të Operacioneve të Shtabit të Përgjithshëm të Mbrojtjes Civile, në programin Mesa Redonda në televizionin shtetëror, duke specifikuar se numri i vdekjeve ishte një shifër paraprake.
“Shtëpitë, qendrat e punës, linjat e energjisë elektrike dhe plantacionet pësuan dëme të shkaktuara nga shirat dhe erërat e mëdha të Oscarit”, në qytetin e Baracoa, raportoi Radio Guantanamo.
Më shumë se 1000 shtëpi u prekën dhe disa mijëra njerëz u detyruan të evakuohen.
Sipas Institutit të Meteorologjisë, reshje të dendura dhe lokale intensive, shira dhe stuhi priten në orët e ardhshme në pjesën më të madhe të rajonit lindor dhe stuhi në bregun verior të provincave të Guantanamos, Holguin dhe Las Tunas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
