Teuta është fituese e Kupës së Shqipërisë. Durrsakët ia kanë dalë të mposhtin Tiranën në finale me rezultatin e pastër 2-0.
Avantazhi erdhi që në minutën e 3-të, me një gol të shënuar nga Rustem Hoxha.
Në momentin më të skuadrës rivale, një gafë e Kristi Vangjelit solli golin dytë për Teutën, shënuar nga Lorenc Vila.
Urimi i Metës
Presidenti i Shqipërisë, Ilir Meta ka uruar klubin e Teutës për marrjen e Kupës së Shqipërisë.
“Urime KF Teuta për fitoren e Kupës së Shqipërisë! Përgëzime “Djemve të Detit” për trofeun e rëndësishëm dhe sa më shumë suksese të tjera në gjurmët e legjendave të paharruara të ekipit durrsak dhe atij Kombëtar të cilët na kanë bërë krenar ndër vite, si i madhi dhe i papërsëritshmi, Niko Dovana, Filip Xhai, vëllezërit Shyqyri e Haxhi Ballgjini, Petraq Ikonomi, Artur Lekbello, Xhevair Kapllani, Maksut Leshteni, Fatmir Hima e shumë e shumë yjeve të tjerë”, shkruan Meta në rrjetet sociale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
