Deputetja e Partisë Demokratike Ilda Dhori tha përmes një lidhje “Skype” me studion e MCN Live se PD-ja nuk ndodhet në kushtet në të cilat primaret të mund të prodhojnë emrat më të mirë potencialë për të marrë maksimumin e votave.
A është sot PD-ja në kushtet e duhura për të bërë primare, për të zgjedhur kandidatët? A është kjo mënyra më e mirë të t’i ofruar alternativën më të mirë që duhet të ofrojë PD-së si partia më e madhe opozitare për qytetarët? Jam skeptike.
Nuk jemi në kushtet që primaret sot mund të prodhojnë emrat më të mirë potencialë me të cilët PD-ja mund të marrë maksimumin e votave. Patjetër të ndërthurura se dhe anëtarësia duhet të ketë një peshë të caktuar dhe në vendimmarrje, orientuese patjetër, nuk është vendimtar dhe s’mund të jetë vendimtare në ato që do të jetë në fund listat e PD-së.
Ne i testuam primaret dhe në zgjedhjet lokale. Në disa degë mund të kenë dalë emrat më potenciale, por në degë të caktuara nuk kanë qenë ato emra me të cilët ne mund të merrnin dhe t’i afroheshin fitores.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
