Në takimin përmbledhës për 35-vjetorin e Partisë Socialiste, kryeministri Rama tha se protesta që po mbahet prej ditësh para zyrës së tij është pasojë e një apokalipsi digjital që ka nisur në rrjetet sociale.
Edhe unë do të dilja për të shpëtuar atdheun tim të vogël nga një investim i tillë. Anulimi i një projekti kriminal që u trumbetua si shitje e të vetmit ishull të Shqipërisë, si falje e një toke publike në zonë të mbrojtur. Dallimi mes meje dhe kujtdo që i përket kësaj kategorie nuk është si duket nga bulevardi.
Rama tha se gjatë të gjitha mandateve qeverisëse, socialistët e kanë mbrojtur natyrën dhe pasuritë e Shqipërisë.
Ligjin e parë të zonave të mbrojtura e bëri PS. Deri në 2017, Shqipëria nuk kishte ligj. ishim ne që bllokuam leje të dhëna qorrazi mbi shtretërit e lumenjve. Vetëm mbi Valbonë kemi ndaluar ndërtimin e 9 HEC-eve.
Në Greqinë fqinje nuk i është dhënë Vjosës një mbrojtje kaq e fortë. E shpëtuam nga HEC-et duke e shpallur park kombëtar.
Për mua Shqipëria është amanet i shenjtë. Prandaj jam krenar në këtë përvjetor përballë të gjithëve ju.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
