Gjykata e Katanias ka dënuar me 15 vite e 5 muaj burg Moisi Habilajn, i akuzuar për trafik ndërkombëtar droge nga Shqipëria në Sicili.
Për gjykatësen Maria Cardillo, Habilaj ka qenë lideri i kartelit që transportonte drogë dhe armë nga Shqipëria në Sicili. “Kushëriri i ish-ministrit Saimir Tahiri nuk ka qenë një punëtor i thjeshtë në transportin e paligjshëm të marijuanës, por një bos i vërtetë”, shkruan MeridioNews, e cila ishte e para që publikoi përgjimet telefonike ku doli edhe emri i Saimir Tahirit.
Gjykata e Katanias e ka dënuar me 15 vjet, pesë muaj e dhjetë ditë, ndërsa akuza kishte kërkuar 18 vjet burg, pas hetimeve të kryera nga prokurori Andrea Bonomo.
Habilaj e ka pritur në heshtje vendimin e gjykatës. Në paraburgim që nga tetori i vitit 2017, Habilaj muajt e fundit kishte pranuar pjesërisht përgjegjësitë e tij dhe u ishte përgjigjur pyetjeve të hetuesve italianë dhe shqiptarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
