Presidenti ukrainas Volodymyr Zelensky refuzon të presë Sekretarin e Përgjithshëm të Organizatës së Kombeve të Bashkuara Antonio Guterres në Kiev pas vizitës së tij në Rusi, ku ai u fotografua duke shtrënguar duart me presidentin rus Vladimir Putin, tha një zyrtar i afërt me Zelensky.
“Ai shtrëngoi dorën me Putinin, i buzëqeshi. Atij iu kërkua të vinte për të promovuar edhe më shumë samitin e BRICS. Por u përdor prej tyre dhe dukej i lumtur që po përdorej”, tha zyrtari ukrainas për Politico.
Guterres shkoi në qytetin e Kazanit, Rusi, për të marrë pjesë në samitin e BRICS, ku u takua me Putinin, i cili kërkohet nga Gjykata Penale Ndërkombëtare për krime të dyshuara lufte.
Në komentet në samit, Guterres bëri thirrje për një paqe të drejtë. Pas vizitës së tij në Rusi, Guterres planifikoi të udhëtonte në Kiev.
Zelensky kritikoi Guterres në një fjalim të enjten në mbrëmje, duke thënë se është vendimtare që bota të kujtojë qëllimet dhe parimet e Kartës së OKB-së.
“Edhe nëse disa zyrtarë preferojnë joshjen e Kazanit mbi thelbin e Kartës së OKB-së, bota jonë është e strukturuar në mënyrë që të drejtat e kombeve dhe normat ligjore ndërkombëtare të kenë rëndësi dhe do të vazhdojnë të kenë rëndësi”, tha Zelensky në fjalimin e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
