Kreu i Grupit Parlamentar të opozitës në Kuvendin e Shqipërisë, Gazment Bardhi, kishte thirrur sot deputetët për të diskutuar lidhur me situatën politike në javët e fundit.
Kjo, pas një aksioni të organizuar nga opozita, i cili ka bllokuar funksionimin normal të komisioneve parlamentare dhe seancave plenare dhe që nuk lejoi sot që të futen në ambientet e kryesisë së Kuvendit 8 deputetët e përjashtuar të Rithemelimit.
Përpara kangjellave të Parlamentit, Bardhi, tha se aksioni i opozitës e arriti qëllimin e vet teksa e quajti Kuvendin, si vilë të Lindita Nikollës.
Besoj se aksioni i opozitës qëllimin e vet të parë e ka arritur sot, duke për shfaqur fytyrën e vërtetë të Edi Ramës. Deputetët nuk lejohen të marrin pjesë në mbledhjet e grupit.
Këta po e cilësojnë Kryesinë si vile të Lindita Nikollës.
Kolegët që lejohen do jenë atje për të treguar që ky nuk është kuvendi i shqiptarëve, por kuvendi privat i Edi Ramës. Ne do jemi në këtë beteje më këtë regjim.
Shikoni çfarë është në gjendje të bëjë Edi Rama.
Kjo është fytyra e regjimit të Edi Ramës.
Deputeti Bardhi paralajmëroi se do të ketë një tjetër kallëzim penal ndaj kryetares së Kuvendit.
Sot është tërësisht në kushtet e shpërdorimit të detyrës, se si ajo ka zyrë në Kryesinë e Kuvendit dhe unë dhe deputetët kam zyrë.
Ne duam të ushtrojmë detyrën tonë si deputet. Sot kishim mbledhje grupi në orën 10:15, dhe kjo është shpërdorim detyre që do i bashkëngjitet kallëzimit për Nikollën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
